TÁ COMHDHÁIL Náisiúnta na Gaeilge ag reáchtáil comórtas filíochta dátheangach le linn Chuairt na bhFilí Albanacha ar Éirinn i mbliana.
Is féidir le filí dánta nuachumtha i nGaeilge nó i nGàidhlig na hAlban a chur isteach ar an gcomórtas, ach leagan Béarla a chur ar fáil chomh maith.
Roghnófar na hocht ndán is fearr agus gheobhaidh an t-údar deis an dán a léamh ag oíche mhór an chomórtais in Áras Chomhdháil Náisiúnta na Gaeilge. Roghnófar buaiteoir an chomórtais ar an oíche sin, bronnfar duais €500 ar an fhile agus foilseofar an dán i nuachtlitir na Comhdhála agus san irisleabhar Comhar.
* Eolas: sile@comhdháil.ie