Seolfaidh an Comhaontas Glas polasaí Gaeilge, cairt teanga agus suíomh gréasáin i nGaeilge tráthnóna amárach ag 6pm i dTobshiopa an Chomhaontais Ghlais, 90 Sráid Sheoirse Mhór Theas, Baile Átha Cliath.
Beidh ceannaire an pháirtí, Éamon Ryan, an Comhairleoir David Healy agus cathaoirleach ghrúpa polasaí Gaeilge an chomhaontais, Seán Ó Buachalla, ag caint. Le tamall anuas, tá iarracht mhór ar siúl ag an pháirtí cúrsaí Gaeilge a chur cinn agus is minic a chuireann siad ráitis Ghaeilge chun an nuachtáin seo faoi imeachtaí éagsúla polaitiúla.
Cuireann an páirtí cuireadh ar lucht na Gaeilge teacht don seoladh. Beidh sólaistí agus dreas cainte ann i ndiaidh na n-imeachtaí oifigiúla.
